Сүүлд шинэчлэгдсэн: 4 цаг 42 минутын өмнө.
2013 оны 12 сарын 04. 09:50
“Драгон” автовокзалыг нүүлгэх талаар судалж байна

Нийслэлийн Сонгинохайрхан дүүргийн нутаг дэвсгэрт байрлах Драгон авто вокзал дээр Авто тээврийн үндэсний төв болон тус дүүргийн ЗДТГ-ын төлөөлөл өчигдөр ажиллаж, сэтгүүлчдэд мэдээлэл хийлээ.

.

Авто тээврийн үндэсний төвийн захирал Т.Болдбаатар Драгон автовокзалын орчныг сайжруулах тухай санаачилж, СХД-ийн Засаг дарга М.Чинболд “Хяналт шалгалт зохион байгуулах тухай” захирамжийг өнгөрөгч сарын 13-нд  гаргаснаас хойш хамтран ажиллаж байгаа юм байна. Энэхүү хамтын ажиллагааны хүрээнд автовокзал орчимд гар дээрээс наймаа хийж байгаа иргэдийн дунд бууны сум, хориотой ангийн мах зэргийг зарж байна гэх гомдол саналын дагуу СХД-ийн Цагдаагийн хоёрдугаар хэлтсийн Эрүүгийн тасаг шалгалт хийн, ажиллаж байгаа аж.

.

  Драгон авто вокзал нь нийслэл хотын хүн ихээр төвлөрдөг томоохон хэсгүүдийн нэг билээ. Тухайлбал, тус авто вокзал нь 16 аймгийн 48 чиглэлд 35 аж ахуй нэгж байгууллагын 700 гаруй тээврийн хэрэгслээр хот хоорондын нийтийн зорчигч болон шуудан тээвэрлэлтийн үйлчилгээг гүйцэтгүүлдэг. Ингэснээр өдөрт дунджаар 2200-2500 орчим хүн хөдөө орон нутаг руу зорчиж, 2000-2300 орчим хүн Улаанбаатар хотод ирж, тэдгээрийг үдэн гаргагчид буюу угтан авагч болох 5000-6000 хүн дамжин өнгөрч үйлчлүүлдэг гэх тоо баримт байна.

.

Ийнхүү олон хүн нэг дор зорчиж, цуглардаг газарт хулгайн буюу хууль бус тээвэр, халаасны хулгайч олноороо байдаг. Хамтарсан ажлын хэсгийнхэн энэхүү хууль бус үйлдлүүдийг таслан зогсоохоор ажиллаж байгаа аж. Энэ тухай Автотээврийн үндэсний төвийн тээвэр зохицуулалтын хэлтсийн дарга Ж.Энхбат “Захирамж хэрэгжихээс өмнө Цагдаагийн ерөнхий газарт Драгон автовокзалын ойролцоо гарсан халаасны хулгайтай холбоотой 20-30 дуудлага өдөрт бүртгэгддэг байсан бол дээрх хамтарсан хяналт шалгалтыг хийж, захирамжийг хэрэгжүүлж эхэлснээс хойш хулгайн гэмт хэргийн холбогдолтой дуудлага ирээгүй байна. Мөн өдөрт хууль бус 100-200 тээврийн хэрэгслийг ачдаг байсан бол захирамж хэрэгжснээс хойш нэгийг ч ачаагүй. Хууль бус тээврийн хэрэгслээс шалтгаалсан зам тээврийн осол аваар гарлаа гэсэн дуудлага ирээгүй байгаа. Тиймээс ирэх онд бид захирамжийг сунгуулахаар төлөвлөж байна” гэж ярьсан.

.

Үүнээс гадна Драгон авто вокзалыг иж бүрэн гэрэлтүүлэг, камертай болгосноор  гэмт хэргийн гаралт болон халаасны хулгайчаас урьдчилан сэргийлэх нөхцөлийг бүрдүүлжээ.

.

Жолооч нарын машины “гангараа” нь осол гарах шалтгаан болдог аж

.

Орон нутгийн замд зам тээврийн осол гарч буй нэг шалтгаан нь тээврийн хэрэгслийн жолооч нар стандартын  шаардлага зөрчсөн, гэрэл хэрэглэснээс болдог байна. Тухайлбал, жолооч нар машин тэргээ “гангалахын” тулд гэрлийн янз бүрээр хэрэглэж,  ойрын тусгалыг холын болгох эсвэл гэрэлтэй нь лазерын гэрэл нэмэх гэх мэт үйлдэл гардаг. Гэрлийн тусгал нь баруун талдаа жолооны хүрддтэй тээврийн хэрэгслүүд гэрэл дээрээ нэмэлт лазерын гэрэл тусгаснаас болж зам тээврийн осол аваар гардаг байна. Үүнтэй холбоотойгоор орон нутгийн замд явж байгаа бүх тээврийн хэрэгслийн гэрлийн стандартад явуулын үзлэг шалгалт хийж байгаа аж. Өнөөдрийн байдлаар 200 гаруй тээврийн хэрэгсэл гэрлийнхээ тусгалыг өөрчилж, нэмэлт лазер гэрэлтүүлэг тавьсан зөрчлүүд илэрчээ. Үүнийг хууль эрхзүйн хүрээнд буюу Автотээврийн тухай хуулийн дагуу шийдвэрлэж байна. Ирэх оноос гэрлийн тусгал өөрчилсөн тээврийн хэрэгслүүдийг замын хөдөлгөөнд оролцуулахгүй байх арга хэмжээг авч,  21 аймгийн авто тээврийн хяналтын бүх шатны байгууллагууд, товчоо, дамжин өнгөрөх пост дээр хяналт тавьж ажиллахаар төлөвлөжээ. Одоогийн байдлаар нийслэлийн есөн дүүрэгт тодорхой цэгүүдэд гэнэтийн шалгалт хийж, илэрсэн зөрчлийг газар дээр нь арилгуулж байна.

.

Хууль бус тээвэрлэгчийг дээд тал 30 мянгаар торгодог

.

Хувийн автомашинтай иргэд хүн тээвэрлэх сонирхолтой болсон. Энэ нь хууль бус тээврийн тоог нэмж байна гэж ярьдаг. Хууль бус тээвэр хийгч гэдэг нь ЗТЯ-ны харьяа Авто тээврийн үндэсний төвтэй албан ёсоор тээврийн үйлчилгээ эрхлэх гэрээ байгуулаагүй боловч ямар нэгэн байдлаар хүн тээвэрлэж байгаа хувь хүн, аж ахуй нэгжийг хэлнэ.

.

Эдгээр хууль бус тээвэр хийгч нь автовокзалын дэг журмыг алдагдуулж, авто тээврийн хяналтын байцаагч нарт хүндрэл учруулдаг байсан. Харин захирамж хэрэгжиж эхэлснээс хойш харьцангуй гайгүй болсон гэж Драгон автовокзалын авто тээврийн хяналтын байцаагч Ч.Даваахорлоо ярьсан. Гэхдээ хууль бус тээвэрлэгч нарт Автотээврийн хуулийн дагуу арга хэмжээ авдаг ба хамгийн дээд тал нь 30 мянган төгрөгийн торгууль ноогдуулдаг. Энэ торгуулийн хэмжээ Увс, Баян-Өлгий зэрэг холын аймгийн замын зардлын талын талтай дүйцэхүйц юм.

.

Мөн хууль бус буюу хулгайн тээвэр нь даац хэтрүүлдэг төдийгүй холбогдох газруудаас замд ямар нэгэн осол аваараас урьдчилан сэргийлэх чиглэл авдаггүй учир үүнд өртөх магадлал өндөртэй байдаг тухай СХД-ийн Цагдаагийн 2 дугаар хэлтсийн ахлах байцаагч Н.Ганцоож хэлсэн. Харин хамтарсан ажлын хүрээнд  24 цагийн шугам замын шалгалт хийж, 24 цагийн товчоог ажиллуулж байгаа нь  хууль бус тээврийн хэрэгслүүд замд гарахаас урьдчилан сэргийлэх болон гарах осол аваарыг 50 хувиар бууруулжээ.

.

Хот хоорондын тээврийн хэрэгсэлд том оврын автобусыг 10 жил, бага оврын тээврийн хэрэгсэлийг 12 жил ашиглах ёстой гэж тогтоожээ. Авто тээврийн үндэсний төвөөс энэхүү стандартын дагуу тээврийн хэрэгслүүдэд шаардлага тавьж ажилладаг. Мөн Драгон автовокзалыг нүүлгэн шилжүүлэх судалгааны ажил явагдаж байгаа юм байна.

.

Б.Буд 

Share
Одоогоор 15 сэтгэгдэлтэй
Таны санал бодол
zochin бичсэн нь: /202.131.225.122/
2013/12/04 10:07:43
avto vokzald hamgiin chuhal yum ug ni bol tom zai talbai bizdee uhsnee hiij hajuud ni 7 davhar baishin bariad baigaan, bas l neg nukhriin avilgaar avsan gazar biz odoo bolson chini nuulgene gedeg genee, shalgaach atg!
hunnu бичсэн нь: /103.26.194.20/
2013/12/04 10:08:37
vokzal bish buudal gedeg yum...mongolooroo bichvel yasan yum be?!
zochin бичсэн нь: /106.188.103.26/
2013/12/04 10:17:56
teeveriin tovchooonii zaana gargaval taarna. iish tii*e yavah ni tii*egee zoriod l ochino biz. udur bolgon ajildaa yavdag shig huduu gadaa yavah bish . uneheer yavah gej baigaa ni tii*egee zoriod ochood yavdag bolbol deer dee. tegehgyi bol te dragon chin hul tolgoi ni medegdehyi
зочин бичсэн нь: /103.9.90.130/
2013/12/04 10:30:07
тус вокзалыг жаахан баруун тийш нь гаргаад талбайг нь нэлээд нэмэгдүүлэх хэрэгтэй болсон юм шиг ээ. үнэхээр машин тэрэг нь багтахаа больсон байна лээ.
зочин бичсэн нь: /122.254.127.66/
2013/12/04 10:39:54
наад авто вокзалаа хархорин захын тэнд авчрах хэрэгтэй
мягмар бичсэн нь: /122.201.17.98/
2013/12/04 10:58:39
автовокзал гэж хэлэхэд ,дэндүү давчуу, замбараагүй газар байгаа шүү дээ. гарцаагүй нүүлгэж томоохон талбайд хүлээлгийн сайхан заалтай, зоог, түргэн хоолны газар, ариун цэврийн өрөө, нялх хүүхэд хуурайлах өрөө, мэдээллийн электрон самбаруудтай орчин үеийн жинхэнэ автовокзал барих хэрэгтэй. эндээс явах автобуснууд руу зорчигчид суухдаа чиглэл тус бүрээрээ тусгай хаалгаар гарч суудаг олон улсын жишгийг мартаж болохгүй. яг нисэх онгоц шиг.
gggg бичсэн нь: /202.180.216.233/
2013/12/04 11:03:01
nuulgeechee hul gishgihch zai baidagguishdee
zochin бичсэн нь: /202.179.27.185/
2013/12/04 11:19:41
zuv zuv nuulgeh heregtei tegeed adaglaad 10 bus zereg orood hunee suulgej avaad yavdag, zorchigchid ni taivan chuluutei setgel hanamjtaigaar uilchluuldeg orchin ueiin avto termanaltai boloh heregtei
kkkjj бичсэн нь: /103.26.194.27/
2013/12/04 11:25:12
enhbat chuhal tsaraigaa gargaal yavj bna uuu. kkk
kkkjj бичсэн нь: /103.26.194.27/
2013/12/04 11:25:12
enhbat chuhal tsaraigaa gargaal yavj bna uuu. kkk
иргэн бичсэн нь: /202.126.90.58/
2013/12/04 11:33:55
тэр бариад байгаа чинь авто вакзал мөн биздээ нэг нь нэг юм хийхээр өөрсддөө таараагүй өөлж шоолж байхаа болимоор юм одоо байгаа газраа яг таарна тэнд чинь метроны шавыг үүл дарга тавиа биздээ
иргэн бичсэн нь: /203.194.114.166/
2013/12/04 12:34:05
айл өрхөөс жаахан холдуулмаар байна өвөл зунгүй тоос шороо хажуугийн байр сууцууд хэцүүдэж байна ш дээ зун өвөлгүй цонхоо ч онгойлгож болохгүй автозамаас холгүйн дээр өч төчнөөн автобус унаа яг цонхон доогуур нааш цаас явах юм өдөр шөнөгүй автомашины чимээ шуугиан, шороо тоос, машины тортог гэд л бага насны, нялх хүүхэдээ агаар салхинд ч авж гархад хэцүү юм.
зай талбай бичсэн нь: /112.72.13.129/
2013/12/04 14:06:50
шнэхээр зай иалбайдаа хавчигдсан шаардалага хангахгүй газар даа автовозал гэдэг олон давхар байшин биш тээврийн хэрэгсэлийн чөлөөтэй байх нөхцлийг хангасан багтаамж сайнтай талбай юм гэхдээ ил биш ядахдаа нарантуулийн цэнхэр саравч шиг дээвэртэй байх хэрэгтэй
22 tovchoo.. бичсэн нь: /202.21.106.107/
2013/12/04 17:38:04
22 tovchoo ruu nuulgee
зочин бичсэн нь: /180.235.184.28/
2013/12/04 20:21:43
дарогоныг 22 товчооннос цааш нүүлгээч ээ
54.81.92.174
Сэтгэгдэл үлдээ
Таны нэр
Анхааруулга !!!


Уншигчдын бичсэн сэтгэгдэлд shuud.mn хариуцлага хүлээхгүй болно.

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлтэй холбоотой санал гомдолыг 77000180 утсаар хүлээн авна.
Оруул
Прокурорууд газартай болов
6 цаг 1 минутын өмнө.
ТАЛАРХАЛ
6 цаг 46 минутын өмнө.
Ажлын хэсгүүд дахин уулзалдана
7 цаг 34 минутын өмнө.
“Шонхор”-ыг хэн тэргүүлэх вэ?
9 цаг 55 минутын өмнө.
Засгийн газар хуралдана
10 цаг 21 минутын өмнө.
Хоёр хаврыг үзэх МАНАН
10 цаг 32 минутын өмнө.
Төрөө нураахын “жаргал”
10 цаг 39 минутын өмнө.
1214 тушаалыг хүчингүй болгожээ
11 цаг 36 минутын өмнө.
Ричард Гирээс 100 саяыг нэхэмжлэв
11 цаг 39 минутын өмнө.
Өнөөдөр болох үйл явдлын тойм
13 цаг 32 минутын өмнө.
Байнгын хороод хуралдана
13 цаг 38 минутын өмнө.
Copyright © 2010 - 2011 ShuuD.mn all Rights Reserved.
Зохиогчийн эрх хуулиар хамгаалагдсан. Хуулбарлах ШУУД хориотой.