УИХ-ын 2008 оны сонгуулийн дараахи үймээнээр галт зэвсэгт өртөж дөрвөн хүн амь үрэгдсэн хэрэгт холбогдсон хошууч генерал Ч.Амарболдод шүүхээс хоёр дахь удаагаа өмгөөлөгч томилсон юм.
Түүнд эрх зүйн туслалцаа үзүүлэхээр томилогдсон хоёр дахь өмгөөлөгч Д.Даваа нь шүүгдэгчид өмгөөлөл үзүүлэхээс татгалзжээ. Учир нь тэрбээр өмнө нь долдугаар сарын 1-ний гэх хэргийн хохирогчдын өмгөөлөгчөөр ажиллаж байсан аж.
Тиймээс хохирогчдод холбогдох хавтаст хэргийг тодорхой хэмжээнд судлаад, зохих заавар зөвлөгөөг өгч байсан учраас шүүгдэгчид хууль зүйн туслалцаа үзүүлэх боломжгүй гэж үзэн Нийслэлийн өмгөөлөгчдийн зөвлөлд татгалзсан хүсэлтээ албан ёсоор бичгээр хүргүүлэхээ мэдэгдсэн байна. Н.Түвшин