“Үндэсний эв эе” эмэгтэйчүүдийн нэгдсэн холбоо Хан-уул дүүргийн 12, 13-р хорооны иргэдийн дунд 2012 оны “Уран шаглаа” гар урлалын үзэсгэлэнг зохион байгуулсан юм. Тус үзэсгэлэнг Хан-уул дүүргийн XII хороонд байрлах ҮЭЭНХ-ны салбар “Эмэгтэйчүүдийг дэмжих төв”-ийн байранд  дүгнэлээ. Үзэсгэлэнд Биокомбинатын 20 хүний 30 гаруй бүтээл, Шувуун фабрикийн 10 хүний 20 гаруй бүтээл нийт 50 гаруй уран хатгамал, шүрээр урласан бүтээл, эсгий урлалууд тавигдсан юм. Үзэсгэлэнг 1-р байр-1, 2-р байр-1, тусгай байр тус бүр тавыг шалгаруулж, өргөмжлөл, мөнгөн шагнал, дурсгалын зүйлс гардуулсан юм. Үүний өмнө ч манай байгууллага таримал цэцгийн үзэсгэлэнг гаргаж байр эзлүүлэн шагнасан бөгөөд иргэд урамшин олон бүтээлүүд ирүүлжээ. Мөн “Үндэсний эв эе” эмэгтэйчүүдийн нэгдсэн холбоо, Хан-Уул дүүргийн 121-р цэцэрлэгтэй хамтран  эх үрсийн баярыг тохиолдуулан Биокомбинатын Сонгино амралтын төвд 121-р цэцэрлэгийн багш ажилчид, эцэг эхчүүдийн дунд “Уралдацгаая, Хөгжицгөөе” хөгжөөнт буухиа тэмцээнийг амжилттай зохион байгуулсан байна. Тэмцээнийг 1-р байр 1, 2-р байр 1, 3-р байр 1, тусгай байр-1-ыг шалгаруулж өргөмжлөл, мөнгөн шагнал дурсгалын зүйл гардуулсан юм. Мөн  уг арга хэмжээн дээр болсон нэгэн онцлог зүйл нь 121-р цэцэрлэгийн эмзэг бүлгийн 20 хүүхдэд гарын бэлэг гардуулж сэтгэлийн дэм хайрласан явдал болжээ. У.Жигүүр