Холливудын шуугиант оддын нэг Линдси Лохан өчигдөр шүүхэд дуудагдан, шүүхийн танхимаас гавлуулан гарлаа. Лос-Анжелесийн шүүх түүнийг эмэгтэйчүүдийн асрах газар ажиллаагүй тул тийнхүү шүүхэд дахин дуудаж, шоронд тодорхой хугацаанд хорихоор болжээ.
Линдси Лоханы хэвлэлийн төлөөлөгч шүүхийн дараахнаар жүжигчнийг батлан даалтад гаргах боломж олдоно гэж найдаж буйгаа мэдэгдсэн байна.
2007 онд Линдси Лохан согтуугаар машин жолоодож яваад журамлагдаж, гурван жилийн тэнсэн харгалзах ял авсныг өнгөрсөн жил нэг жилээр сунгасан юм. Мөн 2010 оны тавдугаар сард согтууруулах ундаа, хар тамхины шинжилгээг байнга өгч байхыг шүүх үүрэг болгожээ. Үүнээс гадна согтууруулах ундааны хор уршгийн тухай лекцэд суухыг даалгасан ч тэрээр сүүлийн долоон лекцэнд суугаагүй нь нотлогдсон байна.
Мөн энэ оны хоёрдугаар сард Линдси Лоханыг 2500 ам.долларын үнэтэй зүүлт хулгайлсан хэрэгт буруутгаж, 40 мянган ам.доллараар батлан даалтад гаргаад байсан юм.
Р.Гэгээ