Хятадад хоёр  удаа машинд дайруулсан бяцхан охинд туслах хүн олдоогүй талаар манай сайт  та бүхэнд  өмнө нь мэдээлж байсан. Тэгвэл охины биеийн байдал муудаж өнөөдөр өглөө харамсалтайгаар хорвоог орхижээ. Бяцхан охины машинд дайруулж буй бичлэгийг хараад дэлхий нийт цочролд орсон юм. Маш хүнд осолд орсон Ван Юу охин  эмнэлэгт хүргэгдсэнээсээ хойш ухаангүй байсан билээ.

Гуандонг мужийн Фошан гэдэг аж ахуйн дэлгүүрийн гадаа гудамжинд байрлуулсан камер болсон явдлыг баримттай нь бичиж авсан юм. Бичлэгт  цагаан машинтай жолооч эхлээд урд дугуйгаараа бяцхан охиныг дайрч,  хойд угуй нь тээгэлдээд машин нь зогсоход хүчилсээр байгаад хойд дугуйгаараа дайраад гарсныг хүмүүс үзээд гайхаад байгаа юм. Эмэгтэй хүүхэд нохойноос дорд үзэгдэх болсон Хятадын нийгмийг дэлхийд харуулсан хэрэг боллоо гэж үзэгчид бичсэн байна.  Цус нөжөндөө хутгалдаад босч чадахгүй байгаа охины хажуугаар хүмүүс зүгээр л юу ч болоогүй юм шиг алхаж байсан  дүрс бичлэг олон арван сая  хүний  бухимдлыг төрүүлж, Хятадын нийгмийг талцуулаад байгаа юм. Чан Шай Мей гэдэг эмэгтэй босч чадахгүй байгаа бяцхан охинд тусалж, замаас холдуулсан юм.  Гудамжны цэвэрлэгч Чан Шай Мей охины амийг аварч баатарлаг үйлс бүтээсэн гэж Хятад хүмүүсийн дунд нэр нь түгээд байна. Тэрбээр  “Надад тухайн үед юу ч бодох сэхээ байгаагүй. Би бяцхан охины амийг аврахыг л хүссэн юм” гэж ээ.

Ван Юу охин осолд орсноосоо хойш  биеийн байдал нь хүнд ухаангүй байсаар өнөөдөр амьсгал хураалаа.  Талийгаач охин осолд орсноосоо хойш  биеийнх нь бүсэлхийн хэсгийн  эд эрхтэн нь гэмтэж, бяцарч мэдээгүй болсон байна. Тэрбээр  их хэмжээний цус  алдснаас болж, тархины үйл ажиллагаа нь удааширч, саатсан байжээ.