Хийлч Ч.Дэлгэрцэцэг дэлхийн шилдэг хийлчдийн нэг Дилана Женсонтой хамтран тоглолт хийх гэж байгаа аж. “Чайковскийн үдэш” нэртэй уг тоглолт энэ сарын 7-нд Тусгаар тогтнолын ордонд болох юм. Хийлч Ч.Дэлгэрцэцэг Дилана Женсоны шавь бөгөөд тэд хамтран П.И.Чайковски, И.С.Бах, Ж.Чулууны аязуудаас тоглох юм байна. Дилана 17 насандаа Дэлхийн сонгодог урлагийн олимп хэмээгддэг П.И.Чайковскийн нэрэмжит олон улсын уралдаанаас мөнгөн медаль хүртэж байжээ.   Д.Цэцэг