Баян-Өлгий аймгийн Сум дундын шүүхэд Ш.Аделбек, К.Ерлан, Ж.Ганибет нарт холбогдох хэргийг хэлэлцэж цаазын ял оноосон юм. Шүүхээс ялын дээд хэмжээ сонссон Ш.Аделбек нар давж заалдах шатны шүүхэд гомдол гаргах аж.
Тэд өнгөрөгч дөрөвдүгээр сарын 14-ны өдөр ноолуурын ченж ах дүү Б,Х нарыг дээрэмдэж улмаар автомашинтай нь шатааж амь насыг нь хөнөөсөн хэрэгт шүүгдсэн юм. Анхан шатны шүүхээс тэдний гэм буруутай үйлдлийг нь тогтоожээ. Дашрамд дурдахад хурлын үеэр шүүгдэгч, хохирогч нарын ар гэрийнхэн зодолдож ажил үүргээ гүйцэтгэж байсан цагдаагийн ажилтнуудад хүндрэл учруулсан байна.