Өнгөрсөн өдрүүдэд орсон борооны улмаас Хангайн нуруунаас эхтэй Идэр, Богд, Чигэстэй, Буянт голын усны түвшин өмнөх өдрийнхөөс 15-90 см нэмэгдэж, Богд гол Улиастай орчмоор үерийн түвшинг 20 см даван хүчтэй үерлэж байна. Түүнчлэн Хэрлэн голын эх, Туул, Ерөө голын адгаар үерийн түвшинг 10-35 см давсан хэвээр байна. Иймд дээрх голуудын дагуу суурьшиж, зусаж буй ард иргэд, аж ахуй нэгж, байгууллага, аялал зугаалгаар явж, амарч буй ард иргэдийг үер усны аюулаас сэрэмжтэй байхыг анхааруулж байна.