МАН-ын Бага хурал шөнө дөл болтол үргэлжилж, тус намын ерөнхий нарийн бичгийн даргад нэр дэвшиж байсан Ж.Сүхбаатар, эрхэм гишүүн асан Д.Загджав, Д.Арвин нарын жолоо алдуурсан бололтой. Тэд УИХ-ын сонгуулиар “унасан бөхөд шалтаг мундахгүй” гэгч болсон уу, ямартай ч намынхаа удирдлагад ундууцахдаа МАХН-д орсон ч яадаг юм гэжээ. Үнэхээр ч Д.Загджав бол ерээд оны дундаас Н.Энхбаярын шадар хүнээр явсан, намын даргаас эхлээд төрийн гурван өндөрлөгийг дамжихад нь эрхэлж өссөн нэгэн.
Д.Арвин экс Ерөнхийлөгч Н.Багабандийн суганд явдаг байснаа Н.Энхбаярыг дагаж аашаа хувирган, 2004 онд эрхэм гишүүний тангараг өргөөд төрийн далбаанд мөргөсний дараа төрийнхөө тэргүүнтэй гар барилгүй буруу харж зөрсөн цорын ганц түшээ байсан.
У.Хаш