Ардын жжигчин А.Долгор гэртээ байхдаа ч хамгийн гоё байхыг хичээдэг болохоо нуудаггүй. Энэ ч утгаараа, тэрбээр тансаг хийцтэй гэрийн халат, бүр шаахайны цуглуулгатай болсон гэдэг. Тэр ч бүү хэл гоо сайхан харагдах, тайван орчныг бий болгоход сайхан инээмсэглэл хүртэл хэрэгтэй гэж зөвлөлөө. Наснаасаа ч залуухан харагддаг эрхэм хатагтай нэг хэсэг “Нүүрний арьсаа татуулсан” гэх ярианд өртсөн ч ер тоогоогүй гэсэн. Тэрбээр гоо сайхан яваагаа сайн ханийн буян гэсэн бөгөөд нэгэнтээ “Нөхөр бид хоёр ивээлийн ивээл жилтэй” гэж сайрхсан удаатай. Бас нэг авууштай чанар нь, бусдыг муу хэлэх тун дургүй бөгөөд “Бодлын цагаан хун” дууг дуулсныхаа дараа хун цуглуулах хоббитой болсон гэж байгаа. Тайзан дээрээс илүүтэй гэртээ байхдаа хамгийн гоёмсог эмэгтэйгээр харагдахыг хүсдэг Ардын жүжигчин маань “Хун” нэрэндээ тун ч их хайртай гэнэ лээ. Р.Есүй