Цагдаа нар Оросын хэсэгт харъяалагддаг Татарстан улсын бүсээс лалын шашны бүлэглэлийн дөрвөн хүнийг баривчилсан байна. Тэд газар доорх найман давхар шоронтой төстэй байгууламж дотор 27 хүүхэд, 38 насанд хүрэгчийг хорьж байсныг олсон байна. Зарим хүүхдүүд тэнд арав гаруй жил амьдарсан гэнэ. Тус бүлэглэлийн толгойлогч Файзрахман Саттаров хэмээх настай эр газар дор өөрийн гэсэн лалын гүрэнтэй болохыг хүсдэг гэнэ. Бүлэглэлийг өнгөрсөн долоо хоногт Казан хотын захаар лалын шашны шүтлэгтнүүд рүү халдсан халдлагыг мөрдөх явцад илрүүлжээ. Өөрийгөө зөнч хэмээн зарласан Саттаровыг “дур зоргоороо авирласан” буюу хуулийн эсрэг үйл ажиллагаа явуулсан хэргээр буруутгасан юм. Баривчилгаанаас үүдэн олон нийтээс ямар нэг хариу арга хэмжээ үзүүлсэн зүйл бүртгэгдээгүй байна. Ц.Мишээл