Газын зурвас орчмын нутаг хэрэв ус, эрүүл мэнд, боловсрол, бохир ус зайлуулах систем гэх мэт дэд бүтцийн асуудлаа яаралтай сайжруулахгүй бол 2020 он гэхэд хүн амьдрах боломжгүй болохыг НҮБ-ын тайланд мэдэгджээ. Газын хүн ам 2020 он гэхэд 1,6-2,1 сая болтлоо өсөх тооцоо байна. Лалын Хамас бүлэглэл тус газар нутагт 2007 оноос хүчирхэгжиж эхэлснээс хойш Израйль Газын бүслэлтээ чангатгасан. Бүслэлтэд Египетийн хамтын ажиллагааны дагуу цагдаа нар ажиллаж байгаа бөгөөд Хамаст зэвсэг дамжихаас сэргийлэн хэзээ ч бүрэн хамгаалалтгүй орхиж байгаагүй юм. НҮБ-ын мэдээгээр хэрэв Газа хот 2020 он гэхэд сургуулийн тоог хоёр дахин нэмж, 800-гаад эмнэлгийн ор нэмэх хэрэгтэй бөгөөд газар нутаг нь аль хэдийнэ орон байрны хомсдолд ороод байна. Мөн тус нутгийн цэвэр усны ганц эх үүсвэр эргийн уст давхарга нь 2016 он гэхэд ашиглах боломжгүй болж магадгүй. Гэхдээ дайн тулаанаас болоод байдлыг сайжруулах нь бэрхшээлтэй гэдгийг НҮБ-ын албаныхан онцолж байлаа. Газа хот нь агаарын болон далайн боомтгүй, эдийн засаг нь гадаадын тусламж болон Египетийн хилийн доогуурх туннелиэр хууль бус бараа нийлүүлэхээс хараат байдаг. Хэдий сүүлийн жилүүдэд эдийн засгийн өсөлт ажиглагдаж байгаа ч энэ нь тогтвортой бус бөгөөд 1990-ээд оноос дор үзүүлэлт аж. Ажилгүйдэл 2011 онд 29 хувь байсан нь өсч, эмэгтэйчүүд залуу хүмүүсийг хамарч байна. Ц.Мишээл