Хөгжлийн банкны санхүүжилтээр "Нарантуул" ОУХТ-ын урд уулзвараас Чулуун овооны уулзвар хүртэлх хоёр км авто замын өргөтгөл, шинэчлэлтийн ажлыг "Эрдэнэ зам" ХК хийж байна. Ирэх оны зургадугаар сарын 30-нд хүлээлгэж өгөх гэрээт ажлын хувьд энэ ондоо багтааж зорчих хэсгээ хүлээлгэн өгөхөөр төлөвлөжээ. Замын зорчих хэсгийн өргөн 18 метр, хоёр талын явган хүний замын өргөн тус бүр гурван метр байх бөгөөд борооны ус зайлуулах шугамтай, гэрэлтүүлэгтэй хийх уг замын зурагт 60 гаруй аж ахуйн нэгжийн хашаа, чингэлэг, самбар зэрэг объектууд орсныг Нийслэлийн газрын албатай хамтран чөлөөлөхөөр болжээ.
Д.Цэцэг