Лос Анжелесийн өмнөд хэсгийн бага сургуулийн ойролцоо лхагва гаригт 100 настай өвөө машинаараа ухарч байгаад 11 хүн гэмтээжээ. Тэдний ес нь хүүхдүүд байсан юм.
Дөрвөн хүүхэд хүнд байдалд байгаа бөгөөд эмнэлэгт хүргэгдсэн байна. Гэхдээ бүгд амьд үлдэнэ хэмээн эмч нар үзэж байна.
Цагдаа нар жолоочийг Престон Картер гэгч болохыг тогтоосон юм. Тэрээр ирэх сарын 5-ны өдөр 101 нас хүрэх аж.
Картерын хэлснээр түүний тоормос гацсан гэнэ. Мөн түүний жолооны үнэмлэх хүчин төгөлдөр байсан юм.
Хүүхэд мөргөсөндөө маш харамсч байгаа бөгөөд тоормос эвдрээгүй бол хэзээ ч ийм зүйл хийхгүй шүү дээ хэмээн Картер ярьсан байна.
Тэрээр машины зогсоолоос ухран гарах гэж байсан боловч эсрэгээр явган хүний зам руу орсон аж.
Ц.Мишээл