Нийтийн дууны уйтгартай гэмээр өнгө аясыг эвдсэн, хөнгөн хэмнэлтэй дуу дуулж олны танил болсон дуучин Г.Чинболор, Б.Энхмэнд хоёр одоо ч оюутан зангаасаа салаагүй байгаа гэнэ. Тэд хэдийгээр найз нөхөдтэйгээ үргэлж уулзаад байх зав гардаггүй ч, хаа нэгтээ хамтдаа сууж хооллохыг хүсч явдаг ажээ. Тиймээс нэгэн тоглолтын үеэр хоёр дуучин маань “Манай сургуулийн хажууд ёстой гоё пирожкитэй гуанз байдаг. Ангийнхантайгаа нийлж, ширээ тойрч суучихаад л хуушуурдах мөн ч сайхан санагддаг сан. Одоо ч гэсэн тэдэнтэйгээ уулзаж, нөгөө хоолны газартаа суугаад хуушуур идвэл их хөгжилтэй байх шүү” гэж нууцаа дэлгэжээ. Олны танил боллоо гээд хуучин зангаа гээгээгүйд нь баярласан ангийнх нь андууд тэднийг “Хуушуурдах” болзоонд урих ч юм билүү, хэн мэдэхэв.