ОХУ-ын ерөнхийлөгч Д.Медведев “Сколково” бизнес-сургуулийн залуу эрдэмтэд, хувиараа үйлдвэрлэл эрхлэгчидтэй уулзахдаа манай улс инновацд хөрөнгө оруулалтаараа дэлхийд эхний аравт багтлаа  ингэж мэдэгдлээ. Ингэхдээ  энэ үзүүлэлтээрээ Итал, Канад улсуудыг гүйцэж, Их Британ, Франц улсуудтэй энэ зэрэгцэн дэлхийд 8-р байрт орлоо хэмээн тодорхой тайлбарлажээ. Харин улсын хөрөнгө оруулалт нэмэгдэж, “хувийнх нь маш үлбэгэр” байна гэж үзэж буйгаа ч нуугаагүй байна. Тиймээс ОХУ өөрийн брендүүдээ маш идэвхтэй гаргаж ирэх хэрэгтэй гэж ерөнхийлөгч үзэж байна. Энэ нь улс орны хувьд ч бизнесийн хувьд ч онцгой чухал зорилт гэж тэр хэлсэн байна. “Хэрвээ бид бодож олсон бүхнээ үзэмжтэй савлаж чадахгүй бол худалдаж чадахгүй гэдэгт” тэрээр итгэлтэй байна.