Гадаадад багагүй хугацаагаар ажиллаж, амьдарч байгаад ирсэн дуучин Р.Лхамаа сүүлийн үед амьд хөгжмийн клубт дуулах болсон. Үүнийгээ албан ажлын дараа хийх дуртай хобби гэж тодорхойлсон тэрбээр энэ сарын 29-нд хандивын тоглолтоо хийхээр шийджээ.
“River Sounds” клубт болох энэхүү тоглолтыг нь JCI, “UB Central”-аас хамтран зохион байгуулах бөгөөд орлогыг нь тархины саажилттай Б.Номуундалай охины эмчилгээнд зориулах юм байна. Тоглолтоо “амьд” хөгжмийн хамтлаг, цөөхүүл хөгжим, “Мотive” хамтлагтай хийхээр зэхэж буй сайхан сэтгэлт дуучин маань дэлхийд алдартай англи, орос дуунууд болон өөрийнхөө урын санд буй шилдэг дуунуудыг үзэгч сонсогчиддоо хүргэх гэнэ.
Мөн зарим хит болсон монгол дуунуудыг ч гэсэн дуулахаар төлөвлөжээ.
Р.Есүй