Жонни Деппийн сүүлд ажиллаж буй “The Lone Ranger” киноны арын албаны ажилтан баасан гаригт харамсалтайгаар нас баржээ. Тэрээр 48 настай байсан бөгөөд Лос Анжелесын ойролцоо зураг авалтын талбайг бэлдэж усан санг цэвэрлэхээр шумбаж байхдаа зүрхний шигдээс болжээ. “Walt Disney” студи талийгаачийн ар гэр, найз нөхөд, болон хамтран ажиллагсдад эмгэнэл илэрхийлсэн байна. Тэрээр усан доорх зураг авалтанд хэрэглэгдэх усан санг бэлдэх гэж байсан хэмээн үзэж байна. The Lone Ranger кино ирэх оны долдугаар сард нээлтээ хийх бөгөөд классик зохиолын шинэчилсэн хувилбар юм. Жонни Депп уугуул индиан иргэн, дайчин Тонтогийн дүрд тоглож байгаа аж. Ц.Мишээл