“Миний найз” дуугаараа залууст ихэд үнэлэгдэж буй дуучин Бондгор тун ч сүйхээтэй залуу. Хүүхэд багачуудыг “Карлосон” дуутайгаа хамт урвуулаад авсан тэрбээр гавьяат жүжигчин С.Жавхлангийн заавраар рок попын урлагт төвөггүйхэн ороод ирсэн. Энд тэндхийн тоглолтод уригдахын сацуу “Намуун” нэртэй бяцхан кафе  ажиллуулж, “хөөрхөн” бизнес хийчихдэг юм билээ. Бондгор нэрэндээ зохицсон махлаг залуу маань нэгэнтээ уран бүтээлийг нь үл ойшоосон хөгжмийн наадмыг шүүмжилсэн аж. “Mongolian music video awards” хүнд урилга тараадаг хэрнээ цөөн уран бүтээлийг өрсөлдүүлдэг нь шударга бус. Ёстой, урлагийн  заяа  гомдмоор юм билээ. Ийм  тэнэг, мэдрэмжгүй  байж рок попынхны нэрээр  луйвар  хийж явдгаа болимоор юм” гэж бухимдсан тэрбээр зохион байгуулагчдынх нь мэдлэг  боловсролыг ихэд “өрөвдсөн” гэх. Нэг дуугаа сая төгрөгөөр дуулж, үнэ цэнээ мэдрүүлж буй тэрбээр реппер Gee-г рок попын “Шилийн сайн эр” хэмээн цоллоод авсан. Уран бүтээл болон бодит амьдрал дээр ч дотно найзууд гэгдэх дуучин залуус фэн охидоосоо “зугтдаг” даруухан зангаараа хүртэл ижилсдэг гэсэн. Р.Есүй.