Говь-Алтай аймгийн ИТХ-ын Тэргүүлэгчдийн хурлын тогтоолоор Монгол улсынхаа нэрийг арлын Японд цуурайтуулж яваа хүчирхэг хөвгүүдийн нэг, тус аймгийн Чандмань сумын харъяат Харумафүжи буюу Д.Бямбадорж мэргэжлийн Сүмогийн барилдаанд 31 дараалан давж, 70 дахь Их аварга Ёкозүна болсон бахдам амжилтыг үнэлж аймгийнхаа “Хүндэт иргэн”-ээр өргөмжилсөн байна.
Мөн мэргэжлийн сүмо улс аймаг, сумынхаа нэг алдрыг дуурсган амжилттай барилдаж байгаа Д.Бямбадоржид хүндэтгэл үзүүлэх “Алтайн бахархал 3” наадмыг ирэх онд зохион байгуулахаар болсон байна. Энэхүү шийдвэрийг Харумафүжиг цолоо хүлээн авсан өдөр гаргажээ.
М.Сугар