Нийслэлийн удирдах ажилтны шуурхай хуралдаан өчигдөр болж, цахилгаан дулаан хангамж, өвөлжилтийн талаар хэлэлцсэн байна. Хурлын үеэр ярилцсан гол асуудал бол Хайлааст 110-ын цахилгаан дэд станц ачааллаа дийлэхгүй байгаагаас нийслэлийн Чингэлтэй дүүргийн нутаг дэвсгэрт байрлах Долоон буудал, Бэлхийн зуслан орчмын 20 мянган айлд цахилгаан түгээхэд хүндрэл үүсээд байгаа юм байна.
110-ын цахилгаан дэд станцын гэмтлийг яаралтай засахгүй бол ирэх 12 дугаар сард дулаан дамжуулах ачаалал 18 хүртэл хувиар өсч дээрх айлуудын цахилгааныг хязгаарлахад хүрч болзошгүй байдал үүсчээ. Мөн II, III, IV цахилгаан станцын харьяа зарим газрын дулааны шугам сүлжээний тоноглолд гэмтэл гарчээ. Тиймээс дулаан өгөх боломжгүй байгаа юм байна.
Д.Цэцэг