Чуулганы нэгдсэн хуралдаанаар “Нийгмийн даатгалын Үндэсний зөвлөлийн бүрэлдэхүүнийг шинэчлэн батлах тухай” тогтоолын төслийг хэлэлцэх эсэхэд санал хураалт явуулж нийт 59 гишүүнээс 29 нь зөвшөөрч олонхын саналаар дэмжсэнгүй.
Хуралдааны хэлэлцүүлгийн явцад тус зөвлөлийн бүрэлдэхүүнийг томилоход МҮЭ-ийн ерөнхийлөгч С.Ганбаатарыг оруулбал хууль зөрчинө гэж үзэж байгаагаа Ц.Нямдорж сайд илэрхийлсэн.
Эл асуултад С.Ганбаатар гишүүн “Ц.Нямдорж сайд миний төлөө санаа тавьж буйд баярлалаа. Манайх дотоод журмынхаа дагуу МҮЭ-ийн Ерөнхийлөгчөө сонгодог. Би энэ албан тушаалд хэвээрээ байна.
Нэр дэвшүүлэх асуудлыг даатгуулагч нар өөрсдөө шийддэг учраас МҮЭ-ийн дэд ерөнхийлөгчийг уг бүрэлдхүүнд оруулж болох эсэхийг би уламжилна. Энэ бол даатгуулагчдын бүрэн эрхийн хүрээнд өөрсдөө шийдэх асуудал” гэсэн юм.
Н.Түвшин