Сэлэнгэ аймаг дахь Гаалийн газарт аравдугаар сарын 29-ний өдөр үнэт чулуу болон эм хууль бусаар улсын хилээр нэвтрүүлэх гэж байсныг Гаалийн улсын байцаагчид гаалийн хяналт шалгалтын явцад илрүүлжээ.
ОХУ-руу гарах чиглэлд тус улсын иргэн Александр Иннокентьевич гаалийн зорчигчийн мэдүүлэгт мэдүүлэлгүйгээр байгалийн төрцөөрөө Ман 11 ширхэг, засаж хэв оруулсан Ман 4 ширхэг, засаж хэв оруулсан Барын нүд 3 ширхэг, засаж хэв оруулсан Болор 4 ширхэг, засаж хэв оруулсан Хас 3 ширхэг, засаж хэв оруулсан Чүнчигноров 5 ширхэг, байгалийн төрцөөрөө Сувд 1 ширхэг зэрэг хагас үнэт чулуунуудыг курьтик, болон цүнхэнд нуун улсын хилээр хууль бусаар нэвтрүүлэхийг завдсаныг гаалийн хяналт шалгалтаар илрүүлэн холбогдох байгууллагад шилжүүлээд байна.
Мөн Сэлэнгэ аймаг дахь Гаалийн газрын Алтанбулаг боомт дээр Монгол Улсын иргэн С нь ОХУ-Грейс маркийн 17-91 СЭА тээврийн хэрэгслээр зорчин орж ирэхдээ эмийн зүйлсийг гаалийн зорчигчийн мэдүүлэгт мэдүүлэлгүйгээр улсын хилээр хууль бусаар нэвтрүүлэхийг завдсан үйлдлийг раписканаар илрүүлжээ.