СЕХ-ноос нэр дэвшигч Д.Арвиныг УИХ-ын гишүүнд сонгогдсонд тооцож, өнөөдөр 12.00 цагт УИХ-ын дарга З.Энхболдод түүний нэрийг өргөн мэдүүлэхээр болжээ.
Нийслэлийн Баянзүрх дүүрэгт энэ сарын 21-нд буюу орон нутгийн сонгуультай давхцуулан УИХ-ын дахин санал хураалт болсон. Сонгуульд МАН-аас нэр дэвшигч Б.Батзориг, Д.Арвин нар тус тойрогт өрсөлдсөн билээ. Хэдийгээр нийслэлийн Баянзүрх дүүрэгт сонгогчдын ирц хүрээгүй ч Сонгуулийн тухай хуульд дахин санал хураахад ирцийн талаар ямар нэгэн нарийвчилсан зохицуулалт байхгүй учраас ирцэд ямар нэгэн босго хувь тавихгүй. Тиймээс УИХ-д нэр дэвшсэн хоёр хүний санал хураалтын ирц бүрдэхгүй гэсэн асуудал үүсэхгүй юм. Тиймээс дахин санал хураалтаар олонхийн санал авсан нь УИХ-ын гишүүнд сонгогдоно гэж заасан тул тус тойрогт олонхийн санал авсан нэр дэвшигч Д.Арвины нэрийг ийнхүү СЕХ-ноос УИХ-д өргөн мэдүүлэх гэж байгаа юм.
Д.Цэцэг