Нийслэлийн томоохон худалдааны төвийн хураамжийг зогсоох талаар ШӨХТГ-аас өнгөрсөн долоо хоногт мэдэгдсэн. Уг шаардлагаа захуудын захиргаанд өнгөрсөн сарын 25-нд хүргүүлжээ. "Хархорин" захын хувьд иргэдээс 50 төгрөгийн хураамж авахаа зогсоосон байна. Харин “Нарантуул” захынхан энэ сарын 1- нээс хэрэгжих байсан шаардлагыг хүлээж аваагүй байна. Тиймээс өчигдөр ШӨХТГ-аас давтан шаардлага хүргүүлсэн.
Улмаар Өрсөлдөөний тухай хуулийн 12.1.10-д зааснаар “Хууль ёсны ашиг сонирхолд харшлах болон хэрэглэгчийг хууль бусаар хохироох худалдааны арга хэрэглэх” заалтын дагуу арга хэмжээ авахаар болжээ.
Д.Цэцэг