БНСУ-ын Жэжү хотноо болж буй жүдо бөхийн Дэлхийн цомын тэмцээний эхний өдрийн барилдаан өндөрлөлөө. Өнөөдөр татамид өрсөлдсөн Монголын бөхчүүдээс ОУХМ Д.Төмөрхүлэг эрэгтэйчүүдийн 66 кг-д Японы Жүнпей Моришитад дийлдэн, ОУХМ Б.Мөнгөнчимэг эмэгтэйчүүдийн 63 кг-д Японы Каяако Санод ялагдан тус тус мөнгөн медалийн эзэн болжээ. Мөн эрэгтэйчүүдийн 60 кг-д Г.Болдбаатар, Д.Баярмагнай, эмэгтэйчүүдийн 52 кг-д А.Цолмон нар хүрэл медалиар энгэрээ мялаасан байна.
Маргааш эрэгтэйчүүдийн 81 кг, 90 кг, -100 кг, +100 кг, эмэгтэйчүүдийн 70 кг, -78 кг, +78 кг-ийн барилдаан болох юм.
Ц.Ганбат