Грекийн хямралаас улбаалж үүсээд буй эдийн засгийн нөхцөл байдлын улмаас Хятад улс 100 тэрбум еврогийн тусламжийг Европын холбоонд үзүүлэхээ мэдэгдсэн билээ.
Мөн ОХУ ч тусламжийн гараа сунгахаа мэдэгдсэн. Тэгвэл энэ удаа Японы шинэ ерөнхий сайд Ёшихико Нода өчигдөр Францын Канн хотод мэдэгдэл хийхдээ “Евро бүсийн хямралтай буй орнуудын бондыг худалдан авах замаар тусламж өгч болох тухай” ярьсан байна. Энэ нь япон улс хэдийгээр байгалийн гамшгаас үүдэлтэй дотоодын эдийн засгийн хямралтай нүүр тулаад байгаа ч эдийн засаг нь хүчтэй бөгөөд хэвийн байгааг харуулж байна хэмээн ажиглагчид мэдээлжээ.