Манай улсад цөөхөн байдаг олон улсын моделиудын нэг нь Б.Батцэцэг. Дуучин Т.Ариунаагийн “Нандин учрал” дууны клипэнд тоглосноор нь мисс, загвар өмсөгч Б.Батцэцэгийг хүмүүс андахгүй. Тэрээр 2000 оны “New face” уралдааны топ модель, 2007 оны “Монгол модель” агентлагийн топ модель өргөмжлөл, 2008 онд “Гоёл” наадмын шилдэг загвар өмсөгчийн “Дэд тэргүүн” шагналыг хүртэж байсан.
Мөн 59 дэх удаагийн “Дэлхийн мисс-2009” тэмцээнд эх орноо төлөөлөн оролцож байсан билээ. Олон улсын модель тэрээр Сингапур, Хонконг, Шанхайд гэрээгээр ажилладаг. Урьд нь Солонгос, Израйль, Вьетнам, ОХУ-д загвар өмсч байжээ. Дашрамд дурдахад, түүний аав Ми8-ын ослоор өөд болсон комиссар Д.Батбаатар юм. Түүний гэрэл зургийн цомгоос хүргэж байна.