Монголын анхны олимпийн аварга, мөн анхны олимпийн хос медальтан Н. Түвшинбаяр 2012-2013 оны шинэ жилээр “өвлийн өвгөн” болжээ. Тодруулбал, тэрбээр шинэ жилийн баяраар өөрөө гэр бүлээ баярлуулаад зогсохгүй найз, улсын начин Э.Энхбатындаа өвлийн өвгөний дүрээр очиж, гэр бүлийг нь баярлуулжээ. Н.Түвшинбаяр, Э.Энхбат нар бол Булган аймагтаа Орхон голынхоо эрэгт тоглож өссөн багын найзууд юм. Мөн улсын заан Өсөхбаяр олимпийн хос медалтан Н.Түвшинбаярын гэрээр зочилсон юм. Ийнхүү ирж буй 2013 ондоо бөхчүүд мэргэжил нэгт тамирчиддаа баяр хүргэж, гэр бүлийнхнийг нь баярлууллаа.