Монгол улсын нийслэл Улаанбаатар хотод Тувагийн төлөөлөгчийн газар нээгдэх гэж байгаа нь хөрш улс, түүнчилэн Хятадтай тус бүгд найрамдах улсын худалдаа-эдийн засаг, соёл, шинжлэх ухааны харилцааг цаашид хөгжүүлэхэд тус дөхөм үзүүлнэ гэж Тувагийн гадаад эдийн засгийн харилцааны агентлагийн захирал Чылгычы Ондора мэдэгдэв.
“Улаанбаатар хотод Тувагийн төлөөлөгчийн газар үйл ажиллагаа явуулж эхлэх албан ёсны зөвшөөрөл авлаа. Ирэх гуравдугаар сард төлөөлөгчийн газрын нээх гэж байгаа нь хөрш Монголтой Оросын хилийн орчмын бүс нутгийн худалдаа-эдийн засаг, соёл, шинжлэх ухааны харилцааг цаашид хөгжүүлэхэд тус дөхөм үзүүлнэ. Үүнээс гадна, энэ нь Тувагийн хувьд Хятад руу харах нэг ёсны “цонх” бөгөөд тус оронтой тогтоосон харилцаа хавьгүй хялбар, түргэн хөгжих болно” гэж мэдээнд дурджээ.
Тувагийн төлөөлөгчийн газар “Аэрофлот”-ын байшинд байрлахаар төлөвлөж байгаа бөгөөд энд Буриад, Эрхүү мужийн төлөөлөгчийн газар байр түрээслэдэг юм гэж РИА “Новости” агентлаг уламжилсан байна.
С.Золбоо