Японы
“All Nippon Airways” компанийн Боинг 787 онгоц тэжээлийн доголдлоос болж Такумацугийн онгоцны буудалд ослын буулт хийжээ.
Тус компанийн хэвлэлийн төлөөлөгч сэтгүүлчдэд хандан товч мэдээлэл өгсөн байна. Онгоцонд 129 зорчигч, найман үйлчилгээний ажилтан болон нисэх бүрэлдэхүүн явж байсан аж. Нислэгийн дугаар нь NH 692 бөгөөд Ямагучи Убегаас Токиог зорин хөөрсөн ч замын дундаа ийн зогсолт хийхээс өөр аргагүйд хүрчээ. Нислэг Ямагучигаас орон нутгийн цагаар өглөөний 08:10 цагт хөөрч Такумацуд 08:40 цагт ослын буулт хийж газарджээ.
Онгоцонд техникийн үзлэг шалгалт хийж үзээд шатахууны хоолой болон нисгэгчийн бүхээгт асуудал гарсан гэж тогтоосон ч үнэн хэрэгтээ нислэгийн бүхээгт тамхи татсантай холбоотой аюулын дохио ажиллаж эхэлсэн байжээ. Нисгэгчид шинээр орж ирсэн онгоцны үйл ажиллагааг бүрэн ажиллуулж мэдэхгүйгээс ийнхүү ослын буулт хийхэд хүрсэн хэмээн тайлбарлаж байгаа юм.
Э.Мөнхнасан