Дэлхийн алдартай спорт гутал, хувцас, хэрэглэлийн үйлдвэрлэгч Nike брэнд Монголд албан ёсоор анхны дэлгүүрээ нээлээ.
“Bluemon” групп нь 2012 оны гуравдугаар сард Nike корпорацитай Монгол дахь цорын ганц онцгой эрхт албан ёсны дистрибьютер болох гэрээнд гарын үсэг зуран ажилласаар ийнхүү эхний дэлгүүрийг Maxmall худалдааны төвийн гуравдугаар давхарт нээж байна. Нээлтийн ажиллгаанд
“Bluemon” группийн ерөнхий захирал Ц.Чингис болон олимп дэлхийн медальтнууд, МҮОХ, спортын холбоодын төлөөлөл оролцлоо.
Албан ёсны дэлгүүр нээгдсэнээр Монголын худалдан авагчид дэлхийн аль ч улстай адил сонголт, адил чанар, адил үнээр худалдан авалт хийх боломжтой болж байна.
Өнөөдөр нээлтээ хийсэн энэхүү дэлгүүр
www.nike.com-ын бүртгэлд орж байгаа бөгөөд дэлгүүрийн хайлтаар харагдах юм.
“Bluemon” групп нь 2013 онд дахин хоёр албан ёсны Nike дэлгүүрийг Улаанбаатар хотноо нээхээр ажиллаж байна.
Олон улсын олимпийн хороо (IOC) албан ёсны спорт хувцас, хэрэглэлийн түнш байгууллагаар Nike брэндтэй 2012 оны аравдугаар сард гэрээ байгуулжээ. 2013 оны 1-р сараас эхлэн бүхий л наадам тэмцээнүүд болох Сочи 2014, Рио 2016 олимпийн нааадам, Нанжин 2014 ба Лиллехаммер 2016 залуучуудын олимп болон IOC-ийн бусад бүх үйл ажиллагаанд Nike брэнд хамтарч ажиллах юм.Nike брэнд нь Лондон-2012 олимпийн наадамд 100 гаруй улсын баг тамирчдыг хувцас хэрэглэлээр хангасан ба мянга мянган тамирчид Nike пүүз, гутлыг өмсжээ. Мөн тус компани нь АНУ, Бразил, Кени, Эстони улсуудын олимпийн багийн албан ёсны спонсороор ажиллаж байна.
Ц.Ганбат