Өнөөдөр сондгой дугаарлалтаар төгссөн дугаар бүхий автомашин хөдөлгөөнд оролцохгүй. Сар шинийн баяр ойртож байгаа энэ өдрүүдэд иргэдийг замын түгжрэлд цаг хугацаа алдахгүй, бухимдахгүйгээр худалдаа хийх боломжийг иргэдэд олгох зорилгоор Нийслэлийн Засаг дарга “Цагаан сарын баярын өмнөх өдрүүдэд авах зарим арга хэмжээний тухай” захирамж гаргаж, томоохон худалдааны төвүүдийг чиглэсэн замын хөдөлгөөний чиглэл урсгалд өөрчлөлт оруулсан байгаа.
Үүний хүрээнд бямба, ням гаригт 10.00-20.00 цагийн хооронд автомашины улсын дугаарын сүүлийн оронг тэгш, сондгойгоор хөдөлгөөнд оролцуулахаар түр зохицуулалт хийсэн. Захирамж ёсоор энэхүү түр зохицуулалт өнөөдөр үйлчлээд, цаашид үйлчлэхгүй юм.
Д.Цэцэг