Нийслэлд аж ахуйн нэгж, хувийн хэвшлийн 127 байгууллагын зар, сурталчилгааны 2000 гаруй самбар байдаг ажээ. Хотоос алслагдсан хэмээгддэг Налайх, Багануур, Багахангай дүүрэгт тийм самбар 100 гаруй байдаг юм байна. Гэхдээ эд нар нь харьцангуй томд тооцогдох самбарууд юм. Тэдний нийгэмд үзүүлж буй хор холбогдлыг олон янзаар тайлбарладаг юм билээ.
Наад зах нь л хотын өнгө үзэмжийг гутаадаг гэсэн яриа бий. Хамгийн аюултай гэх нэгэн сөрөг үр дагавар нь жолооч нарын анхаарлыг сарниулдагаас осол гарах нөхцөл болдог гэх. Тиймээс давын өмнө буюу нэн даруй 1000 самбарыг буулгах хэрэгтэй гэсэн захирамжийг Хотын захирагчийн ажлын албанаас гаргажээ. Ажлыг тухайн дүүргүүд нь хариуцан гүйцэтгэх юм.
Эх сурвалж
www.wikimon.mn