Үндсэн хуулийн цэцийн өнөөдрийн хуралдаанаар Монгол Улсын Засгийн газар зарим албан тушаалтанг Ерөнхий сайдын захирамжаар томилохдоо Үндсэн хуулийн холбогдох заалтыг зөрчсөн эсэх маргааныг хянан хэлэлцээд, дөнгөж сая завсарлаад байна. Тухайлбал, Монгол Улсын Ерөнхий сайд Н.Алтанхуяг ТЕГ-ын газрын дэд даргыг томилохдоо зарим хууль зөрчсөн шийдвэр гаргасаныг хэлэлцэж байгаа аж. Өчигдөр Үндсэн хуулийн Цэцэд нэгэн яаралтай албан бичиг Засгийн газраас илгээсэн бөгөөд уг хууль бус шийдвэрээ цуцалснаа илэрхийлсэн агуулгатай бичиг байжээ. Гэвч Цэц үзэхдээ уг албан бичгээ хэтэрхий оройтож ирүүлсэн, нөгөө талаар нэгэнт хуралдаан хийхээр зарлагдсан болохоор уг албан бичиг ирүүлсний утга учир алдагдаж байгаа гэнэ. Хуралдаанаас гарах шийдвэр Засгийн газрыг хууль зөрчсөн гэж үзэх магадлал өндөр байгаа аж.
П.Наран