Оросын ерөнхийлөгч болон түүний тамгын газрын ажилтнууд хуулийн дагуу өнгөрсөн оны орлогоо тайлагнажээ. Тайланг дөрөвдүгээр сарын дундуур нийтлэх юм.
“Өнгөрсөн оны орлогын тухай бүх мэдүүлгийг өгсөн. Энэ тайланг хоёр долоо хоногийн хугцаанд хянаж, дараа нь зарлана” гэж төрийн тэргүүний хэвлэлийн нарийн бичгийн дарга Дмитрий Песковийн хэлснийг Интерфакс агентлаг иш татсан байна.
Жилийн өмнө ерөнхий сайд байсан Владимир Путиний 2011 оны үндсэн ажлын орлого 3 сая 661 мянга 765 рубль байсан нь өмнөх жилийнхээс бараг хоёр сая рублиар бага байжээ. Путиний өмчид хувийн сууцны байшин барьсан 1500 хавтгай дөрвөлжин метр талбай бүхий газар, 77 хавтгай дөрвөлжин метр талбайтай байр, 12 хавтгай дөрвөлжин метр талбай бүхий гарааш байсан юм. Путин бас ГАЗ М-21, ГАЗ М-21Р, ВАЗ “Нива” гэсэн гурван машин, түүнчлэн эцгээс нь өвлөж үлдсэн “Скиф” гэдэг чиргүүлтэй. Түүний гэргий Людмила 443 мянга 034 рублийн орлоготой байжээ.
С.Золбоо
Уншиж байна |