Өнөөдөр Монголын Ардчилсан намын төрсөн өдөр тохиож байгаа аж. Тус нам анх 1990 оны хоёрдугаар сарын 17-ны өдөр байгуулагдсанаа зарлаж, анхны даргаар Э.Бат-Үүлийг сонгож, улмаар 1990 оны дөрөвдүгээр сарын 7-ны энэ өдөр Улсын дээд шүүхэд бүртгүүлэн “төрсний гэрчилгээ”-гээ авч байжээ. Энэхүү өдрийг Монгол улсад олон намын тогтолцоо үүсч хөгжих эхлэлийг тавьсан түүхт өдөр хэмээн үздэг бөгөөд “Ардчилал” сонины анхны дугаар мөн хэвлэгдэн гарч байсан аж. Тиймээс өнөөдөр 12.00 цагт Соёлын төв өргөөнд Ардчилсан намынхан хүндэтгэлийн арга хэмжээг зохион байгууллаа. Энэхүү арга хэмжээнд тус намын удирдлага, лидерүүд төрсөн өдрийн баяраа хамтдаа тэмдэглэн өнгөрүүлсэн бол намын төв байранд 40 гишүүн шинээр  элсч батлахаа гардан авлаа. П.Наран