“Lamborghini” компани 50 жилийнхээ ойд зориулан “Veneno” тусгай загварын машин гаргажээ. Супер машинууд нэг бүр нь дөрвөн сая ам.долларын үнэтэй. Шинэ загварыг зохион бүтээгчид “Veneno” жирийн зам дээр явж болох хурдны машин гэж хэлж байгаа юм.
Венено нэрийг хэрхэн сонгосон тухай сонирхвол, 100 жилийн өмнө ийм нэртэй бух байсан бөгөөд Испанийн эрсдэлтэй уламжлалт спорт болох Корридад хэнд ч бууж өгдөггүй эр зоригоороо гайхагддаг байжээ. Венено 1914 онд бухтай тулалдагч алдарт Хосе Санчес Родригесийг хүнд шархдуулж байсан түүхтэй.
Шинэ загвар дээр ажилласан хүмүүс энэхүү бухын бүх л шинж чанарыг шингээхийг хичээсэн нь илт ажиглагдаж байна гэж хэрэглэгчид нь сайшааж байгаа гэнэ.
Д.Баясаа