Монгол Улсын Ерөнхийлөгчийн урилгаар Шударга ёс, ардчиллын төлөө тэмцэгч, Нобелийн Энхтайвны шагналт хатагтай Ан Сан Су Чи манай улсад айлчилж буй.
Тэрбээр Монгол Улсын Ерөнхийлөгчтэй хамтран “Монгол ба Мьянмар: Эрх чөлөө, ардчилалд хүрэх замд” сэдвээр олон нийтэд зориулсан лекц уншихаар болсон билээ. Энэхүү лекц энэ сарын 30-нд Төрийн ордны Их танхимд 14.00 цагт эхлэх юм.
Тус арга хэмжээнд оролцож, лекцийг сонсохыг хүссэн иргэдийг жиргээ, фэйскбүүкээр дамжуулж нээлттэйгээр бүртгэсэн аж.
Дашрамд дуулгахад, тус хуралд оролцох хүсэлтээ илэрхийлсэн иргэд хурал эхлэхээс нэг цагийн өмнө урилга, иргэний үнэмлэхтэйгээ, үндэсний эсвэл албаны хувцаслан ирж Төрийн ордонд нэвтрэх боломжтой юм.
Б.Сайнаа