Туркийн спортын сайд Суат Килик Токиогийн уучлалт гуйсан мэдэгдлийг хүлээн авчээ. Тэрбээр “Бид Олон улсын олимпийн хорооны шалгуурын дагуу ижил тэгш өрсөлдөхийг хүсч байна” гэжээ.
Токио хотын захирагч Наоки Иносэ “Нью-Таймс” сонинд өгсөн ярилцлагадаа “Ислам шашинтай орнуудыг ганц гол нэгтгэдэг юм нь Аллах. Одоо тэд нэг нэгэнтэйгээ тэмцэлдэж байна” гэсэн үгийнхээ төлөө уучлалт гуйсан юм.
Токио 2020 оны олимпийн наадмыг явуулахын төлөө Стамбул, Мадридтай өрсөлдөж байгаа. Харин Стамбул тав дахь удаагаа олимпийн наадам явуулах эрхийн төлөө өрсөлдөж байгаа юм.
Олимпийн наадам явуулах хотыг Олон улсын олимпийн хорооны дараагийн чуулганаар буюу есдүгээр сард шийдвэрлэнэ. Чуулган Аргентинд болно.
Д.Баясаа