Тагнуулын ерөнхий газрын Сөрөх тагнуулын албаны дарга асан В.Нямханд төрийн нууцад хамаарах баримт бичгийг задруулсан хэргээр сэжигтнээр татагдан Тагнуулын ерөнхий газрын Мөрдөн шалгах хэлтэст шалгуулж байсан бол уг хэргийн зүйлчлэл нь өөрчлөгдөж гадаадын тагнуулын байгууллагад улсын нууц задруулж эх орноосоо урвасан хэрэгт яллагдагчаар татагджээ.
Уг зүйл ангийг тодруулбал Монгол Улсын иргэн тус улсын тусгаар тогтнол,үндэсний аюулгүй байдал,батлан хамгаалах хүчин чадалд хохирол учруулах зорилгоор гадаа улсын тагнуулын албанд элссэн,төрийн нууцыг гадаад улс, түүний тагнуулын албанд шилжүүлэн өгсөн, Монгол Улсын эсрэг дайсагнасан үйл ажиллагаа явуулдаг гадаад улсын байгууллагатай хамтран ажилласан гэх үндэслэлээр яллах юм байна.
Түүнд холбогдох хэргийг Хан-Уул дүүргийн шүүхэд нөгөөдөр 12.00 цагаас шүүн хэлэлцэнэ.
Н.Түвшин