Орон нутгийн залуучуудын дуу хоолой, санал бодлыг тусгах зорилгоор тодорхой санал, зөвлөмж боловсруулах “Залуучуудын хөгжилд хамтдаа” сэдэвт хэлэлцүүлэг өчигдөр болжээ. Хэлэлцүүлэгт Сүхбаатар дүүргийн Засаг даргын Тамгын газар, НХХ-ын дарга, хороодын нийгмийн ажилтан, залуучуудын төлөөллүүд оролцож, залуусын өмнө тулгамдаж байгаа асуудал, өнөөгийн нөхцөл байдал, түүнийг шийдвэрлэх арга замын тухай санал бодлоо солилцсон байна. Энэ үеэр залуучуудыг дэмжих зээл, орон сууц, залуучууд мансууруулах бодис, архи, тамхи хорт зуршилд хэт автаж байгаа болон бэлгийн буруу чиг хандлагатай залуучууд олширч байгаад сэтгэл эмзэглэж байгаагаа талууд хэлэлцэжээ. Мөн зөвхөн залуучуудад зориулсан эрүүл мэндийн төв байгуулах санал дээр нэгдэж, хүсэлтээ үндэсний чуулганд уламжлахаар болжээ. Б.Одон