"Оюутолгой" компаниас хууль бусаар халагдсан гэж зарга үүсгэсэн С.Гантуяа хоёр дахь шатны шүүхэд ялсан билээ. Нийслэлийн шүүхээс "Оюутолгой" компани түүнийг хууль бусаар ажлас халсан гэж үзсэн юм. Мөн С.Гантуяаг ажилд нь эргүүлэн авч, ажилгүй байсан хугацааных нь цалинг гаргуулж түүнд олгохоор шийдвэрлэсэн билээ. Харин тэрбээр уг цалингаа хүүхдүүдэд хандивлана гэдгээ мэдэгдээд байгаа. Энэ тухай өөрөөс нь утсаар тодрууллаа.
-Сайн байна уу. Шууд.мн сайтаас ярьж байна. Таныг ажилгүй байсан хугацааныхаа цалинг хүүхдүүдэд хандивлах гэж байгааг сонслоо. Аль цэцэрлэгт хандивлахаар болсон бэ?
-Юуны өмнө танай сайтын уншигчдад энэ өдрийн мэндийг дэвшүүлье. Нийслэлийн шүүх "Оюутолгой" компани намайг хууль бусаар ажлаас халсан гэж үзээд, ажилгүй байсан хугацааны цалинг олгох шийдвэр гаргасан. Харин "Оюутолгой" компани одоог хүртэл шүүхийн шийдвэрийг биелүүлээгүй байна. Хэрэв ажилгүй байх хугацааны цалинг олговол Дархан-уул аймгийн цэцэрлэгийн хүүхдүүдэд хандивлана. Манай Дарханд хүүхдийн цэцэрлэг маш ховор байдаг юм.
-
Хэдэн төгрөг хандивлах вэ?
-Нийт 24 сая төгрөг "Оюутолгой" компаниас авна. Би түүнийг өөрийн төрсөн нутгийнхаа хүүхэд багачуудыг сурч хүмүүжихэд нь зориулж цэцэрлэг барих ажилд 100 хувь хандивлана.
-Та “Оюутолгой" компанитай багагүй хугацаанд маргаан үүсгэж, заргаа авч чадлаа. Цаашид тухайн компанийн ажилчдын төлөө ямар ажил хийх вэ?
-Нийслэлийн шүүх үнэн зөв шийдвэр гаргаж, намайг ажилдаа эргэн оруулахаар болсон. Би цаашид “Оюутолгой”-н удирдлагад үйлчилдэг Үйлдвэрчний эвлэлийг Монгол ажилчдын төлөө ажиллуулдаг болгоно.
Б.Одон