МЧБХ-ны ерөнхий нарийн бичгийн даргаар Э.Сайнсанаа, ерөнхий нарийн бичгийн даргын орлогч, ерөнхий менежерийн албан тушаалд Д.Батням нарыг томилсон байна.
Ерөнхий нарийн бичгийн дарга Э.Сайнсанаа нь япон судлаач мэргэжилтэй, Хүмүүнлэгийн ухааны их сургууль, Японы Үцүномияагийн их сургууль төгссөн ажээ. Тэрбээр үндэсний хөрөнгө оруулалтын банкны Бизнес хөгжлийн газарт ажиллаж байгаад энэ оноос “Нэйшнл инвестмент менежмент” компанид төслийн ахлах менежерээр ажиллаж байгаа юм байна. Мөн “Асашёорюү сан”-гийн гүйцэтгэх захирал. 2009 оноос МЧБХ-ны гадаад харилцааны орон тооны бус ажилтнаар ажиллаж байжээ.
Харин ерөнхий менежер Даваажавын Батням нь ХААИС болон Их шавийн биеийн тамирын дээд сургууль төгсөж дасгалжуулагчийн мэргэжил эзэмшсэн нэгэн юм байна. Их шавийн биеийн тамирын дээд сургууль, БТСХ-ны Спортын анагаах ухааны албанд ажиллаж байсан туршлагатай аж. Тэрбээр чөлөөт бөхийн “Хөх чоно” клубын дасгалжуулагч, Чөлөөт бөхийн спортын мастер, насанд хүрэгчдийн УАШТ-ээс мөнгө, хүрэл, залуучуудын УАШТ-нээс дөрвөн алтан медаль хүртэж байжээ.
Б.Одон
Уншиж байна |