МАХН-аас нэр дэвшигч Нацагийн Удвал Ерөнхийлөгчийн сонгуульд нэр дэвшээд байгаа билээ. Тэгвэл тэрбээр өчигдөр Хан-Уул дүүргийн Говь ХК-ийн баруун талд байрлах ‘’Мираж’’ зоогийн газарт хандивын уулзалтыг хийж, хэд хэдэн дуудлага худалдаа зохион байгуулжээ.Уг дуудлага худалдаанд МАХН-ын дарга Н.Энхбаярын Монгол Улсын төрийг удирдан, УИХ-ын дарга байх үедээ батлагдсан хуулиуд дээр гарын үсгээ зурдаг байсан ‘’Monblank’’ үзгийг дуудлага худалдаанд оруулжээ. Уг үзгийг хувиараа хөдөлмөр эрхлэгч, иргэн н.Амгалан худалдаж авсан байна.
Мөн МАХН-аас Ерөнхийлөгчид нэр дэвшигч Н.Удвалын бичсэн ‘’Би эвдрэхгүй’’ номыг дуудлага худалдаанд оруулж, түүний номыг 5 сая төгрөгөөр иргэн Н.Батбаатар худалдан авчээ. Түүнчлэн МАХН-ын дарга Н.Энхбаярын “Найман боть”, ‘’Ард түмний дэмжлэг албан тушаалаас хүчтэй”, “Их Монгол- 800” зэрэг гурван боть номыг дуудлага худалдаанд оруулж, амжилттай зарагдлаа.
Б.Одон