Улаанбаатар
“Мөрөөдлийн хот” гар зургийн уралдааны дүн гарлаа
2013-6-1

  Нийслэлийн Засаг даргын Тамгын газар, Нийслэлийн Ерөнхий төлөвлөгөөний газраас зохион байгуулж хүүхэд, багачуудын дунд зарласан “Мөрөөдлийн хот” гар зургийн уралдааны дүн гарлаа. Уралдаанд нийт 1200 гаруй хүүхдүүд бүтээлээ ирүүлсэн байна. “Миний мөрөөдлийн тоглоомын талбай” 6-9 нас, “Миний мөрөөдлийн гудамж” 10-13 нас, “Миний мөрөөдлийн цэцэрлэгт хүрээлэн” 14-16 насны хүүхдүүд тус тус хамрагдсан. Эдгээр бүтээлүүдээс дээрх 3 ангилалд 18 хүүхдийн бүтээл шалгарлаа. Уралдаанд оролцсон бүх хүүхдийн бүтээлээр 2013 оны 6-р сарын 1,2-ний өдрүүдэд Монгол үндэсний түүхийн музейд “Мөрөөдлийн хот” гар зургийн үзэсгэлэн гаргаж байна. Энэхүү уралдаанд идэвихтэй оролцсон бүх хүүхдүүдийг 2013 оны 6 сарын 1-ний 11 цагт хүрэлцэн ирж бэлгээ авахыг урьж байна гэж Нийслэлийн Ерөнхий төлөвлөгөөний газраас мэдээллээ.  
Shuud.mn
Сонин хачин