Оросын Буриадын Агинск тосгонд Оросын ардын жүжигчин Лхасран Линхвойн нэрэмжит Олон улсын дуурийн дуулаачдын уралдааныг Монголын дуучин өнгөлсөн байна. Тус наадмын Гран-при шагналыг Монголын дуучин Энхболд Анхбаяр хүртжээ.
Уралдаант шалгаруулалтанд сайн дурын уран сайханч, театр, чуулга, филармонийн 15-35 насны дуулаачид оролцжээ. Тэд Монгол Улсын Хэнтий, Дорнод аймгуудаас болон Буриадын Усть-Орда, Эрхүү муж, Өвөрбайгалийн хязгаараас иржээ.
Уламжлал ёсоор уралдааны хүндэт зочид болон оролцогчид алдарт дуучны эх нутаг Ага-Хангил тосгонд очдог аж. Гран-при шагналыг Өвөрбайгалийн хязгаарын засаг дарга гардуулсан бөгөөд бусад шагналтнуудад тойргийн Захиргааны Батламж, бэлэг дурсгалын зүйл гардуулжээ.