Энэ жил гуравдахь жилдээ зохион байгуулагдаж байгаа “Холбоодын цом”-ын аварга шалгаруулах тэмцээн Монголын сагсан бөмбөгийн спортод 20 жил талбайн шүүгчээр ажиллаж байгаа Д.Энхсайханы нэрэмжит болж байгаараа  илүү онцлогтой юм. Холбоодын цомын нээлт болон TLG13 ТББ-ын шинэ улирлын нээлт 2011 оны 11 сарын 13-ны 18 цагт СТО-нд боллоо. Нээлтэнд “Холбоодын цом”-д орж буй  16 баг, Спрайт хөгжлийн лигийн плэйофф-т үлдсэн шилдэг 32 баг оролцсон. Нээлтийн үеэр TLG13 ТББ, Танан импекс компани, Баянзүрх булзс багийн тоглогч Даяндэмид нар хамтран  Жажа буюу  Д.Энхсайханд япон авто машин, жолооны эрхийн хамт бэлэг барьсан билээ. Мөн Суруга Монгол ХХК, ОТИС, Орчлон мон торх зэрэг байгууллагын хамт олон  Д.Энхсайханд мөнгөн шагнал, бэлэг дурсгалын зүйлс гардуулсан.

Энэ жилийн “Холбоодын цом”-ын тэмцээнд нийт 16 баг 4 хэсэгт хуваагдан аваргын төлөө өрсөлдөж байгаа билээ. Багуудын хэрхэн хэсэгт хуваагдсаныг танилцуулья.

А хэсэг

1.ИНЕГ 2.Хасу мегаватт 3.Эрдэнэдрийлинг RIGS 4. Panasonic

B хэсэг

1.ER Харцага 2.Хаан банк 3.ОТИС 4.Суруга Монгол

C хэсэг

1.Баянзүрх буллз 2.SBL 3.ER 4. ДХИС, CRM  Шонхорууд

D хэсэг

1.TLG13 2.Танан импекс 3. Хөвсгөл нэг үе 4.Орчлон мон торх

Энэ жил Raffil Harris, Rain Nellson гэсэн гадаад тоглогчоор хүчээ нэмсэн Баянзүрх булзс баг өрсөлдөгчөө илт давуу буулгаж авч байгаа бөгөөд нэг тоглолтонд дунджаар 10 гаруй гайхалтай слэм данкийг үзүүлж үзэгчдийг баярлуулж байна. Та бүхэн гайхалтай слэм данк болон Монголын шилдэгүүдийн сонирхолтой, өрсөлдөөнтэй, уран гоё тоглолтыг үзэхийг хүсвэл мягмар, пүрэв гаригт СТО, лхагва, баасан гаригт Буянт ухаа спортын цогцолборыг зориорой. Тэмцээний аваргууд 18-ны өдөр тодорно.