Монголын залуучуудын холбооны дэргэдэх Залуучуудын Эрүүл мэндийн хороо 2012.11.07нд албан ёсоор байгуулагдан тамга тэмдэг, гэрчилгээгээ МЗХ-ны Ерөнхийлөгчөөс гардан авлаа. Тус хорооны даргаар Эрүүл мэндийн дэд сайд Ж.Амарсанаа сонгогдож , тэргүүлэгч гишүүдэд эрүүл мэндийн салбар бүрийн төлөөлөл болох улсын, хувийн эмнэлэг, хөдөө орон нутгийн эмнэлгүүдийн залуу эмч , сувилагч, нарын төлөлөл болон анагаах ухааны сургуулиудын багш, оюутны төлөөлөл сонгогдлоо.

Хорооны зорилго нь эрүүл мэндийн сургалт, сурталчилгаа, зөвөлгөө, эрдэм шинжилгээний илтгэл болоод залуучуудын эрүүл мэндийн боловсролыг дээшлүүлэх зорилготойгоор залуусын дунд сургалт,семинар, хурал олон нийтийн үйл ажиллагаа, мөн залуу эмч нарын бүтээлч санаа, өөрийгөө хөгжүүлэх чадварыг нь дэмжих зорилгоор сургалт судалгаа, хурал,эрдэм шинжилгээний илтгэл зэрэг явуулахыг зорино.

Залуучуудын эрүүл мэндийн хороо үйл ажиллагааны эхлэл болгож Монголчуудын хүн амын дунд нас баралтын тэргүүлэх байрыг эзлэх болсон Зүрх судасны өвчлөлийн талаар урьдчилан сэргийлэх зорилготой арга хэмжээг зохион байгуулахаар төлөвлөн ажиллаж байна .