АНУ-ын цэргийн нисдэг тэрэг лхагва гаригийн шөнө Афганистаны өмнө зүгийн Газни тосгонд унажээ. АНУ-ын цэргийн хэвлэлийн албаны мэдээлснээр бүхээгт техникийн эвдрэл гарсан учраас нисдэг тэрэг Карабаг тосгонд ослын буулт хийсэн гэнэ.
Осол болсон газар тус дүүргийг бүслэлтэндээ авсан аврах багийнхан болон цэргийнхэн иржээ. Шөнийн турш засвар-үйлчилгээ хийж лхагва гаригийн өглөө нисдэг тэрэг хөөрч, бааздаа ирсэн гэж хэвлэлийн албанаас мэдээлэв.
Талибуудын хэвлэлийн нарийн бичгийн дарга Забиулла Моджахед харин нисдэг тэргийг “Талибан” радикал хөдөлгөөний дайчид газраас галлаж унасгасан гэжээ. Моджахедын яриагаар онгоцод байсан нилээд хэдэн цэргийн хүн амь үрэгджээ.